Врба|2019

M@RKO

Добро-Познат Член
Мислења
9,737
Допаѓања
89
Поени
48
Автор на оваа тема #1

Режија: Милчо Манчевски
Улоги:
Никола Ристески, Сара Климоска, Наталија Теодосиева, Ненад Нацев, Камка Тоциновски, Петар Мирчевски, Благој Чоревски, Ратка Радмановиќ, Ана Костовска, Лазе Манасковски, Катина Иванова, Кире Ѓоревски, Адем Карага, Јелена Јованова Периќ и други.

По два месеци интензивна работа, заврши снимањето на „Врба“, најновиот филм на македонскиот режисер Милчо Манчевски.

Станува збор за неговиот шести долгометражен филм, во продукција на „Банана филм“ и е македонско – унгарско – белгиска копродукција, со учество и на Албанија.

Снимањето се одвиваше низ различни локации на живописниот прилепски регион и на препознатливи локации низ Скопје. Сега е во постпродукциска фаза.

„Врба“ е љубовен филм за денешни и дамнешни души. Испреплетени приказни за љубов и доверба – од македонското средновековие и од македонската сегашност – се огледуваат и се во контраст една со друга. Иако ги раздвојуваат векови, ликовите во „Врба” имаат слични грижи, радости и соништа.

Директор на фотографија е Унгарецот Тамаш Добош (Támas Dobos), дизајнер на продукција е долгогодишниот соработник на Манчевски, Британецот Дејвид Манс (David Munns), за костимите се задолжени Жаклина Крстевска и Ѓерѓи Сакач (Györgui Szakács) од Унгарија, асистент на режија е Никола Ивановиќ од Србија, а кастинг директорка е Милка Анчевска. Продуцент е Јане Ќортошев, а извршен продуцент е Ник Пауел (Nik Powell).

Фотографии од снимањето тука https://www.radiomof.mk/galerija-kako-se-odvivashe-snimanjeto-na-vrba-na-milcho-manchevski/
 

dallavera

Активен Член
Мислења
564
Допаѓања
58
Поени
28
#2
Рано е за филмов, не се знае дали ќе го завршат годинава.